Maʼlumotlarni saqlash

Ma’lumotlarni saqlang, shunda ulardan barcha qurilmalaringizda foydalanishingiz mumkin.

Nima uchun ma’lumotlarni saqlash kerak?

Ma’lumotlar birlamchi holatda Yandex IDga ulangan hisobingzda avtomatik saqlanadi va Yandex Brauzer o‘rnatilgan barcha qurilmalaringizda (kompyuter, smartfon, planshet) mavjud bo‘ladi.

Parollar va kartalar, xatcho‘plar, shaxsiy ma’lumotlar, ochiq varaqlar va varaqlar guruhlari, Brauzer tarixi, Tab, kengaytmalar hamda sozlamalar saqlanadi.

Ma’lumotlarni saqlash va almashish sizga quyidagilarga imkon beradi:

• barcha qurilmalaringizda parollar menejeridan foydalanish (parollarni avtomatik qo‘yish, parollarni shifrlangan omborda saqlash, saytga kirish imkoniyatini tiklash, asosiy parolni esdan chiqargan bo‘lsangiz);

• qurilmalarda varaqlar va varaqlar guruhlari (agar ularni guruhlar menyusida bulutli qilgan boʻlsangiz), tarix va xatchoʻplarni koʻrish;

• Qurilmangiz yo‘qolsa yoki buzilsa ham, parollarni, xatcho‘plarni, Tabni, varaqlarni va Brauzer sozlamalarini tiklash.

Istalgan vaqtda saqlanadigan ma’lumotlar ro‘yxatini o‘zgartirishingiz mumkin.

Ma’lumotlar qanchalik tez-tez saqlanadi?

Ma’lumotlar ularni har safar o‘zgartirganingizda saqlanadi. Masalan: qurilmada xatcho‘p qo‘shsangiz – Brauzer uni serverga yuboradi va bir vaqtning o‘zida boshqa qurilmalarda (oxirgi saqlash vaqtidan boshlab) kiritilgan barcha o‘zgarishlarni yuklab oladi.

Bu xavfsizmi?

Ha, ma’lumotlaringiz himoyalangan. Ma’lumotlarni vaqtincha saqlash uchun Yandex serveri ishlatiladi, u yerga ma’lumotlar himoyalangan kanal orqali, parollar esa ‒ shifrlangan shaklda uzatiladi. Serverdagi ma’lumotlar avtorizatsiya tizimi bilan himoyalangan.

Ma’lumotlarni saqlashni qanday yoqish mumkin?

Ma’lumotlar quyidagi holatlarda hisobingizda avtomatik ravishda saqlanadi:

• Barcha qurilmalarda (kompyuter, smartfon, planshet) Yandex Brauzer o‘rnatilgan;

• Barcha qurilmalarda Yandex IDga ulangan bir xil hisobdan foydalaniladi.

Saqlash va almashish uchun ma’lumotlar ro‘yxatini o‘zgartirish

1. Yuqori o‘ng burchakda profilingiz rasmini → Brauzerdagi profilim ustiga bosing.

2. Profilim oynasida Ma’lumotlarni boshqarish bandini bosing.

3. Faqat kerakli ma’lumotlar qurilmalaringiz o‘rtasida uzatilishi uchun mos opsiyalarni yoqing:

   • Agar sozlama yoqilgan bo‘lsa, ma’lumotlar barcha qurilmalaringizda mavjud bo‘ladi.
   • Agar sozlama o‘chirilgan bo‘lsa, ma’lumotlar faqat ushbu qurilmada saqlanadi.

Saqlangan ma’lumotlarni o‘chirish

Ushbu qurilmadan ma’lumotlarni qanday o‘chirish mumkin:

1. Yuqori o‘ng burchakda profilingiz rasmini → Brauzerdagi profilim ustiga bosing.

2. Profilim oynasida Ma’lumotlarni boshqarish bandini bosing.

3. Ushbu qurilmadagi profilni o‘chirishni tanlang.

4. Ushbu qurilmadagi profil o‘chirilsinmi? oynasida O‘chirish tugmasini bosing.

Shundan so‘ng ma’lumotlaringiz ushbu qurilmadan o‘chiriladi. Bunda ma’lumotlar Yandex IDga ulangan hisobingizda saqlanib qoladi. Profilingizni hisob bilan yana qo‘shsangiz, ulardan istalgan qurilmada foydalanishingiz mumkin bo‘ladi.

Yandex'dan ma’lumotlarni qanday o‘chirish mumkin:

1. Yuqori o‘ng burchakda profilingiz rasmini → Brauzerdagi profilim ustiga bosing.

2. Profilim oynasida Ma’lumotlarni boshqarish bandini bosing.

3. Yandex ID hisobidan ma’lumotlarni o‘chirish tugmasini bosing.

4. Yandex ID hisobidan ma’lumotlar o‘chirilsinmi? oynasida Ma’lumotlarni o‘chirish tugmasini bosing.

Shundan so‘ng ma’lumotlaringiz serverdan o‘chiriladi va faqat hisobingiz bilan bog‘langan qurilmalarda qoladi.

Yordam xizmatiga yozish