Банк карталарын қорғау
Жыл өткен сайын шабуылдаушылар банктік карталардан қаражат ұрлап, жаңа күрделі алаяқтық схемаларды ойлап табуда. Өзіңізді ұрлықтан қорғау үшін мына кеңестерді орындаңыз:
Карталарды бөліңіз
Бүкіл ақшаны бір картада ұстамаңыз. Негізгі қаражатты банктегі жинақ шотында сақтаңыз. Картада әдеттегі шығындарға арналған қаражатты қалдырыңыңыз. Онлайн төлемдер үшін бөлек карта жасаңыз.
Алу шегін белгілеңіз
Күнделікті шығарып алу шегі алаяқтардың картаңыздан бүкіл соманы алып кетуіне жол бермейді.
PIN кодына мұқият болыңыз
-
PIN кодын, SMS арқылы келетін операцияны растау кодын немесе картаның CVC/CVV2 кодын, жарамдылық мерзімін және иесінің атын ешкімге көрсетпеңіз.
-
PIN кодын есіңізде сақтаңыз, бірақ жазбаңыз. Оны үш айда бір ауыстырып тұрыңыз.
-
PIN кодын енгізгенде пернетақтаны алақаныңызбен қалқалап тұрыңыз.
Карта деректерін ешкімге айтпаңыз
Картаны қайда қойғаныңызды біліп жүріңіз. Оны бөтен адамдарға (мысалы, даяшыға шотты төлерде) бермеңіз. Егер оны суретке түсіріп алса немесе деректерін көшіріп алса, ақшаңыздан айырылуыңыз мүмкін.
Егер картаны жоғалтып алсаңыз немесе оның деректерін бөгде адамдар қолды етті деп күдіктенсеңіз, оны блоктап, қайта шығартыңыз.
Аударымды алу үшін картаның суретін жібермеңіз, карта нөмірін хабарлау жеткілікті.
Толығырақ Телефон арқылы жасалатын алаяқтық бөлімінен қараңыз.
Қауіпсіз банкоматтарды таңдаңыз
Тәулік бойы жұмыс істейтін және банк бөлімшесінде орнатылған банкоматтарды таңдаңыз. Көшелерде, күдікті кеңселерде және сауда орталықтарында орнатылған банкоматтарды пайдаланбаңыз: алаяқтар оларға қол жеткізе алады, ал банкте бұл екіталай. Алаяқтар картаңыздың деректерін көшіріп алу үшін мыналарды пайдаланады:
- картақабылдағышқа бекітілетін қолдан жасалған магниттік таспаны оқу құралы;
- PIN кодын есте сақтайтын үстеме пернетақта;
- пернетақтаға бағытталатын шағын камера.
Картаны салмас бұрын банкоматты тексеріңіз. Әдетте алаяқтардың құрылғылары нашар немесе ұқыпсыз бекітіледі (желімнің, сызаттың іздері көрінеді), беткейге мықты етіп жабысып тұрмайы, түсі немесе өлшемі ерекшеленеді.
Картадағы ақша жоғалса
Назар аударыңыз
Ақшаны аударыңыз және шабуылдаушылар барлық соманы алып үлгергенше картаны тез арада блоктаңыз.
- Егер басқа шотыңыз болса, оған картада қалған ақшаны онлайн-банк арқылы аударыңыз.
- Картаны онлайн банкте немесе банктің сенім телефонына қоңырау шалу арқылы блоктаңыз.
- Ақшаңыз жіберілген компанияның қолдау қызметіне хабарласыңыз.
- Шабуылдаушылар жасаған операциялардың үзінді көшірмесін алу үшін банкке хабарласыңыз. Белгісіз транзакцияларды даулау туралы мәлімдеме жазыңыз.
- Полицияға арыз жазыңыз, оған банктен алған үзінді көшірмені тіркеңіз.