Теперь Кью работает в режиме чтения

1945 год. День победы Красной армии и советского народа в Великой Отечественной войне.
Потери СССР с 22.06.1941 г. по 02.09.1945 г. составили порядка 26,6 млн. человек.
Потери Германии с 01.09.1939 г. по 8.05.1945 г., составили от 4,6 до 8,3 млн. человек. (Источник)

Последование благодарственнаго и молебнаго пения ко Господу Богу, певаемаго в день Победы в ВОВ в соединениии с заупокойной литией, мирянским чином для домашнего чтения.

Чтем: Моли́твами святы́х оте́ц на́ших, Го́споди, Иису́се Христе́, Бо́же наш, поми́луй нас.

Поем: Ами́нь.

Затем поем (или чтем при невозможности петь):

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.
(трижды)

Чтем: Господи помилуй (12 раз).

Чтем: Бог Госпо́дь и яви́ся нам, благослове́н гряды́й во Имя Госпо́дне.

Поем: Бог Госпо́дь и яви́ся нам, благослове́н гряды́й во Имя Госпо́дне.

Чтем: Исповедайтеся Господеви, яко благ, яко в век милость Его.

Поем: Бог Госпо́дь и яви́ся нам, благослове́н гряды́й во Имя Госпо́дне.

Чтем: Обышедше обыдоша мя и именем Господним противляхся им.

Поем: Бог Госпо́дь и яви́ся нам, благослове́н гряды́й во Имя Госпо́дне.

Чтем: Не умру, но жив буду и повем дела Господня.

Поем: Бог Госпо́дь и яви́ся нам, благослове́н гряды́й во Имя Госпо́дне.

Чтем: Камень, егоже небрегоша зиждущии, сей бысть во главу угла, от Господа бысть сей и есть дивен во очесех наших.

Поем (или чтем при невозможности петь):

Тропарь, глас 4:

Благода́рни су́ще, недосто́йнии раби́ Твои́, Го́споди, о Твои́х вели́ких благодея́ниих на нас бы́вших, сла́вяще Тя, хва́лим, благослови́м, благодари́м, пое́м и велича́ем Твое́ благоутро́бие, и ра́бски любо́вию вопие́м Ти: Благоде́телю, Спа́се наш, сла́ва Тебе́.

Слава Отцу и Сыну, и святому Духу: глас 1:

Спаси́, Го́споди, лю́ди Твоя́ и благослови́ достоя́ние Твое́, побе́ды правосла́вным христиа́ном на сопроти́вныя да́руя и Твое́ сохраня́я Кресто́м Твои́м жи́тельство.

И ныне, и присно, и во веки веков, аминь: глас 8:

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти, раби́ Твои́, Богоро́дице, но, я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.

Чтем:

Проки́мен, глас 4. Госпо́дь кре́пость лю́дем Свои́м да́ст, Госпо́дь благослови́т лю́ди Своя́ ми́ром.

Поем:

Госпо́дь кре́пость лю́дем Свои́м да́ст, Госпо́дь благослови́т лю́ди Своя́ ми́ром.

Стих: Принеси́те Го́сподеви, сы́нове Бо́жии, принеси́те Го́сподеви сла́ву и че́сть.

Поем:

Госпо́дь кре́пость лю́дем Свои́м да́ст, Госпо́дь благослови́т лю́ди Своя́ ми́ром.

Чтем:

Госпо́дь кре́пость лю́дем Свои́м да́ст,

Поем:

Госпо́дь благослови́т лю́ди Своя́ ми́ром.

Чтем:

Ко ефесе́ем, посла́ние свята́го апо́стола Па́вла чте́ние.

Апостол ко Ефесеем, зачало 233.

Бра́тие, возмога́йте о Го́споде и в держа́ве кре́пости Его́, облецы́теся во вся ору́жия Бо́жия, я́ко возмощи́ вам ста́ти проти́ву ко́знем диа́вольским, я́ко несть на́ша брань к кро́ви и пло́ти, но к нача́лом и ко власте́м и к миродержи́телем тмы ве́ка сего́, к духово́м зло́бы поднебе́сным. Сего́ ра́ди приими́те вся ору́жия Бо́жия, да возмо́жете проти́витися в день лют и вся соде́явше ста́ти. Ста́ните у́бо препоя́сани чресла́ ва́ша и́стиною, и обо́лкшеся в броня́ пра́вды, и обу́вше но́зе во угото́вание благовествова́ния ми́ра, над все́ми же восприи́мше щит ве́ры, в не́мже возмо́жете вся стре́лы лука́ваго разжже́нныя угаси́ти. И шлем спасе́ния восприими́те, и мечь духо́вный, и́же есть глаго́л Бо́жий.

Чтем:

От Матфея святого Евангелия чтение.

Евангелие от Матфея, зачало 98–99 (сборное).

Поем: Сла́ва Тебе́ Го́споди, сла́ва Тебе.

Рече́ Госпо́дь Свои́м ученико́м: услы́шати и́мате бра́ни и слы́шания бранем. Зри́те, не ужаса́йтеся, подоба́ет бо всем сим бы́ти, но не тогда́ есть кончи́на. Воста́нет бо язы́к на язы́к и ца́рство на ца́рство, и бу́дут гла́ди и па́губы, и тру́си по ме́стом. Вся же сия́ нача́ло боле́знем. Бу́дет бо тогда́ скорбь ве́лия, якова́ же не была́ от нача́ла ми́ра досе́ле, ниже́ и́мать бы́ти. И а́ще не бы́ша прекрати́лися дни́е о́ны, не бы у́бо спасла́ся вся́ка плоть. Избра́нных же ра́ди прекратя́тся дни́е о́ны.

Поем: Сла́ва Тебе́ Го́споди, сла́ва Тебе.

По Евангелии:

Поем, или чтем: Го́споди, поми́луй (40 раз).

Чтем молитву:

Бо́же Вели́кий и Непостижи́мый, спаса́яй погиба́ющия, животворя́й ме́ртвыя,/ вся творя́й по во́ли Твое́й, и ди́вным Твои́м про́мыслом управля́яй вся́ческая!/ Приклони́ у́хо Твое́ с высоты́ святы́я Твоея́ и приими́ от нас, смире́нных и недосто́йных рабо́в Твои́х,/ се́рдцем и усты́ возноси́мая Тебе́ благода́рственная сия́ моле́ния, испове́дания и славосло́вия.

Яко не по беззако́нием на́шим сотвори́л еси́ нам, Го́споди, ниже́ по грехо́м на́шим возда́л еси́ нам./ Ты глаго́лал еси́ дре́вле сыново́м Изра́илевым, я́ко, а́ще не послу́шают гла́са Твоего́ храни́ти и твори́ти вся за́поведи Твоя́,/ наведе́ши на них язы́к безсту́ден лице́м, и́же сокруши́т их во градех их, до́ндеже разоря́тся сте́ны их./ И мы ве́дехом, я́ко испо́лнился глаго́л сей стра́шный на наро́де на́шем./

Но Ты, Го́споди Бо́же, Ще́дрый и Ми́лостивый, Долготерпели́вый и И́стинный/ и пра́вду храня́й и творя́й ми́лость, ми́лостию ве́лиею поми́ловал еси́/ и, посети́в жезло́м непра́вды на́ша, уще́дрил еси́ нас побе́дою на сопоста́ты./ Те́мже утверди́ся се́рце на́ше в Го́споде на́шем,/ вознесе́ся рог наш в Бо́зе на́шем, возвесели́хомся о спасе́нии Твое́м./ Благодари́м Тя за избавле́ние Оте́чества от врага́ лю́таго./ Да́ждь нам, Го́споди, па́мять сего́ сла́внаго Твоего́ посеще́ния/ тве́рдо и непреста́нно име́ти в себе́,/ е́же всегда́ благодари́ти и славосло́вити:/ сла́ва Тебе́, Бо́гу, Благоде́телю на́шему, во ве́ки веко́в.

Поем: Ами́нь.

Сразу литию мирянским чином:

*Лития́ заупокойная (от греч. λιτή, усердное моление) – краткий чин панихиды, установленный для моления о новопреставленном христианине при выносе его тела из дома, а также для поминовения усопшего в любое другое время.

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.
(трижды)

Святы́й Бо́же, Святы́й Кре́пкий, Святы́й Безсме́ртный, поми́луй нас. (три́жды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (три́жды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам дóлги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Таже поем:

Тропа́рь, глас 4‑й:

Со ду́хи пра́ведных сконча́вшихся, ду́ши ра́б Твои́х, Спа́се, упоко́й, сохраня́я их во блаже́нной жи́зни, я́же у Тебе́, Человеколю́бче.

В поко́ищи Твое́м, Го́споди, иде́же вси святи́и Твои́ упокоева́ются, упоко́й и ду́ши ра́б Твои́х, я́ко Еди́н еси́ Человеколю́бец.

Сла́ва Отцу́ и Сы́ну и Свято́му Ду́ху.

Ты еси́ Бог, соше́дый во ад, и у́зы окова́нных разреши́вый, Сам и ду́ши ра́б Твои́х упоко́й.

И ны́не и при́сно и во ве́ки веко́в. Ами́нь.

Еди́на Чи́стая и Непоро́чная Де́во, Бо́га без се́мени ро́ждшая, моли́ спасти́ся душа́м и́х.

Молитва о усопших:

Упокой, Господи, души рабов Твоих приснопа́мятных вожде́й и во́инов за ве́ру и Оте́чество на по́ли бра́ни жизнь свою́ положи́вших, от ран и гла́да сконча́вшихся, в плене́нии и го́рьких рабо́тах неви́нно уму́ченных и убие́нных и всех Побе́ды ра́ди потруди́вшихся (имярек если есть), и прости им вся согрешения вольная и невольная, и даруй им Царствие Небесное.

Кондак, глас 8:

Со святы́ми упоко́й, / Христе́, ду́ши раб Твои́х, / иде́же несть боле́знь, ни печа́ль, / ни воздыха́ние, / но жизнь безконе́чная.

Таже кондак, глас тойже:

А́ще и во гроб снизше́л еси́, Безсме́ртне, / но а́дову разруши́л еси́ си́лу, / и воскре́сл еси́, я́ко победитель, Христе́ Бо́же, / жена́м мироно́сицам веща́вый: ра́дуйтеся, / и Твои́м апо́столом мир да́руяй, / па́дшим подая́й воскресе́ние.

Поем: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва, и ны́не: Го́споди, поми́луй (трижды).

И отпуст:

Воскресы́й из ме́ртвых, Христе́, И́стинный Бо́же наш, моли́твами Пречи́стыя Своея́ Ма́тере, святы́х сла́вных и всехва́льных апо́стол, свята́го великому́ченика и Победоно́сца Гео́ргия, всех святы́х, в земли́ Росси́йстей просия́вших, и всех святы́х, поми́луй и спаси́ нас, я́ко Благ и Человеколю́бец.

Таже: Усо́пшим рабо́м Твои́м, приснопа́мятным вожде́м и во́ином за ве́ру и Оте́чество на по́ли бра́ни жизнь свою́ положи́вшим, от ран и гла́да сконча́вшимся, в плене́нии и го́рьких рабо́тах неви́нно уму́ченным и убие́нным и всем Побе́ды ра́ди потруди́вшимся, ве́чная па́мять.

(Или: Во блаже́нном успе́нии ве́чный поко́й пода́ждь, Го́споди, усо́пшему рабо́м Твои́м вожде́м и во́ином за ве́ру и Оте́чество на по́ли бра́ни жизнь свою́ положи́вшим, от ран и гла́да сконча́вшимся, в плене́нии и го́рьких рабо́тах неви́нно уму́ченным и убие́нным и всем Побе́ды ра́ди потруди́вшимся, и сотвори́ и́м ве́чную па́мять.)

Вечная память (трижды поем)

По сих же: Христо́с воскре́се из ме́ртвых, / сме́ртию смерть попра́в / и су́щим во гробе́х живо́т дарова́в. Трижды.

Другие молитвы

Святцы: А Б В Г Д Е Ж З И К Л М Н О П Р С Т У Ф Х Ш Э Ю Я

ПАРАД ПОБЕДЫ 2023 В МОСКВЕ