№ 47

-1075-

вообразилъ и показалъ сіе, да послѣдуйте стопамъ Его, блюдущ волковъ отвсюду" (Маргаритъ Іоан. Злат. слово 18-е о лжеучителяхъ листъ 575).

И того убо ради, якоже Христосъ торгующихъ и купующихъ въ храмѣ Іерусалимскомъ нѣкогда и тѣмъ святое мѣсто явѣ похулившихъ изгна ихъ изъ храма и сего деля бичъ отъ верви взя: сице отъ духовныхъ и мнози предковъ нашихъ, зѣло явѣ похулявшихъ, ругавшихъ, осмѣявавшихъ рукотворенныя храмы Божія и вся въ нихъ бываемая и совершаемая и вся священная, тѣлесному наказанію предаваху, властей міра сего деля призываху и ссылаху: предки бо ваши явѣ и всюду церковь рукотворенную блудницу, зеленою шалью покрывшуюся, глаголами быти, крестъ Христовъ печать антихриста и мерзкій его образъ нарицаху, таинство Тѣла и Крови Христовыхъ блевотину антихриста и кровь зміевъ быти явѣ проповѣдоваша и прочая и прочая. Оле дерзости! Оле безумія! Но да не будетъ намъ тако глаголати.... Се за сія хулы на священная и бяху преслѣдовани предки ваши, а не за еже отдѣлитися имъ отъ церкви Христовой и не во еже бы насиліемъ къ оной присоединити, якоже ты реклъ еси: святая бо церковь въ вѣру во Христа пасиліемъ не приводитъ и таковыхъ не пріемлетъ въ лоно свое, но еже волею и всеусердно къ одной притекаютъ, сумнящихжеся въ правотѣ ея точію кроткимъ словомъ присоединитися къ ней, во еже бы спастися имъ, увѣщаваетъ, якоже и Христосъ заповѣдалъ есть... И аще бо предки ваши не быша хулу на святыню глаголали, не преслѣдовани убо были; а понеже они хулы на святыню явѣ изрыгаху, того ради и тѣлесному наказанію и ссылкѣ ихъ подвергаху, по заповѣди же обаче Христовой, житіемъ отъ Него намъ проповѣданной, о ней выше здѣ ти рѣкохомъ. По сей заповѣди и нынѣ иже въ васъ хулу явѣ на святыню изрыгаютъ томужде подвергаются. По сему же ученію Христову и власть міра сего носящіи, царіе земстіи и прочіи за туюжде вину ихже отъ васъ преслѣдо-

ваша и преслѣдуютъ, яко сыны церкви, 94 правиломъ карѳагенскаго собора руководствующеся. Оно бо правило глаголетъ сице: "Рождышіися во благочестіи и въ вѣрѣ воспитани бывше цари руку даяти церквамъ должны суть, понеже и Павлу помольшуся